Radio Comunidade Maliana (RCM) harii iha loron 20, fulan Abril, tinan 2000 iha munisípiu Bobonaro, lokalizadu iha Estrada de Antigo Hospital, Aldeia Bilicou, Suku Holsa, Postu Administrativu Maliana. Ho fundus husi ajénsia internasionál ho naran United Nations Educational, Scientific and Cultural Organization (UNESCO) hodi oferese informasaun ba komunidade iha munisípiu Bobonaro, no ikus liu entrega ba iha komunidade Maliana maka sai hanesan nain ba radio komunidade Maliana rasik, no sai hanesan orgaun media independente.
Radio Comunidade Maliana ezisti ho nia frekuensia 91.7 Mhz ho nia prinsipiu “Hatoó Lia Los, Nakonu ho Solidaridade hodi lori komunidade atu hatene ninia dever no obrigasaun nu’udar sidadaun Timor-Leste baseia ba informasaun nebe komunidade tengki hatene iha ida-idak nia fatin” ho objective hodi bele fahe hanoin, ideias o programa nebe mak iha tantu husi governu, ajénsia sira, nomos komunidade rasik ba benefisiu komunidade, hodi bele harii komunidade nebe iha responsabilidade ba informasaun ne’ebe maka iha.
